डॉ. बाबासाहेब आंबेडकर अधिछात्रवृत्ती (BANRF - 2023) ची जाहिरात तात्काळ प्रसिद्ध करावी, यासाठी निवेदन

छ संभाजी नगर: आज सम्यक विद्यार्थी आंदोलनाच्या वतीने सामाजिक न्याय मंत्री संजय शिरसाट आणि महाराष्ट्र राज्य सामाजिक न्याय व विशेष सहाय्य विभागाचे प्रधान सचिव डॉ. हर्षदीप कांबळे यांना डॉ. बाबासाहेब आंबेडकर अधिछात्रवृत्ती (BANRF - 2023) ची जाहिरात तात्काळ प्रसिद्ध करावी, यासाठी निवेदन देण्यात आले.

या निवेदनाद्वारे सम्यक विद्यार्थी आंदोलनाने शासनाकडे अधिछात्रवृत्तीच्या जाहिरात प्रसिद्ध करण्यात होत असलेली दिरंगाई दूर करून संशोधक विद्यार्थ्यांचा न्याय्य हक्क सुनिश्चित करण्याची मागणी केली.

यावेळी सम्यक विद्यार्थी आंदोलनाचे औरंगाबाद जिल्हाध्यक्ष अक्रम खान, पदाधिकारी अमोल घुगे तसेच इतर कार्यकर्ते उपस्थित होते.

प्रतिनिधी: विशाल पठारे