नवी दिल्ली/दै.मू.वृत्तसेवा- जस्टिस संजीव खन्ना यांनी सोमवरी देशाचे 51 वे सरन्यायाधीश म्हणून शपथ घेतली. न्या. खन्ना यांना राष्ट्रपती द्रौपदी मुर्मू यांनी शपथ दिली.
राष्ट्रपती भवन येथे झालेल्या या शपथविधी समारंभावेळी देशाचे मावळते सरन्यायाधीश डी. वाय. चंद्रचूड उपस्थित आहेत. जस्टिस संजीव खन्ना यांना वकिलीचा वारसा त्यांचे वडील देवराज खन्ना यांच्याकडून मिळाला. देवराज खन्ना दिल्ली उच्च न्यायालयाचे न्यायाधीश राहिले आहेत. तर संजीव खन्ना यांचे काका हंसराज खन्ना हे सर्वोच्च न्यायालयात न्यायमूर्ती होते. सरन्यायाधीश संजीव खन्ना यांचा कार्यकाळ केवळ 6 महिने असेल. 13 मे 2025 रोजी ते निवृत्त होतील.
जेव्हा चीफ जस्टिस संजीव खन्ना यांनी जस्टिस पीव्ही संजय कुमार यांच्यासोबत त्यांच्या कार्यकाळाच्या पहिल्या दिवशी न्यायालयीन कार्यवाही सुरू केली तेव्हा ते एका प्रकरणात वकिलावर चिडले. त्यांनी वकिलाला फटकारले आणि आम्ही तुमचे व्याख्यान ऐकण्यासाठी आलो नसल्याचे सांगितले.
सोमवारी चीफ जस्टिस यांच्या नेतृत्वाखालील खंडपीठाने सूक्ष्म, लघु आणि मध्यम उद्योग आणि कर्ज वसुली न्यायाधिकरणाशी संबंधित खटल्याची सुनावणी केली. या खटल्याची बाजू ज्येष्ठ वकील मॅथ्यूज नेदुमपारा यांनी मांडली.
सुनावणीदरम्यान, नेदुमपारा यांनी असा युक्तिवाद केला की सर्वोच्च न्यायालय सामान्य वकिलांसाठी देखील असले पाहिजे आणि केवळ अंबानी आणि अदानी यांच्या खटल्यांचा येथे विशिष्ट आणि विशेष पद्धतीने निर्णय झाला पाहिजे. यावर नवे सरन्यायाधीश संजीव खन्ना म्हणाले कि पण तुमचा खटला न्यायमूर्ती बेला त्रिवेदी यांच्या निर्णयाशी संबंधित आहे...’
दरम्यान, नेदुमपारा यांनी सीजेआयला रोखले आणि म्हणाले, पण गरीब एमएसएमईंना वेगळे कसे करता येईल. देशात कोट्यवधी एमएसएमई आहेत आणि इथे फक्त अंबानी-अदानींच्या प्रकरणांचीच सुनावणी सुरू आहे.
ज्येष्ठ वकील नेदुमपारा यांना फटकारताना चीफ जस्टिस म्हणाले कि आम्ही तुमचे व्याख्यान ऐकण्यासाठी आलो नाही.
काही अडचण असल्यास, कृपया डीआरटीकडे जा. माहित असावे की मॅथ्यूज नेदुमपारा हे तेच वकील आहेत ज्यांनी जुलैमध्ये नीट- यूजी प्रकरणाच्या सुनावणीदरम्यान तत्कालीन चीफ जस्टिस डीवाय चंद्रचूड यांच्याशी संघर्ष केला होता. त्यानंतर चंद्रचूड यांनी कोर्टाच्या कामात अडथळा आणल्याबद्दल मार्शलला कोर्ट रूममधून काढून टाकण्याचे आदेश दिले होते.
0 Comments