जेंव्हा श्रीकृष्ण सुदामाच्या भेटीसाठी येतात ;आमदार सुनिल भुसारा यांची भावनिक पोस्ट व्हायरल विरोधीपक्षनेते अजित पवार यांनी दिली भुसारांच्या निवासस्थानी भेट

जव्हार - ज्या प्रमाणे सुदामा आणि श्रीकृष्णाच्या मैत्रीचा आदर्श आजही दिला जातो यामध्ये सुदामा गरीब मित्र श्रीकृष्ण द्वारकेचा राजा मात्र या भेटीच्या प्रसंगातून आजच्या पिढीला मैत्री ही मैत्री असते त्यात गरीब श्रीमंतअसा भेद नसतो अशी शिकवण आज हि शाळा प्रवचन किर्तनातुन देण्यात येते त्याचीच आठवण करीत विक्रमगड विधानसभा क्षेत्राचे आमदार सुनिल भुसारा यांनी सोशल मिडीयावर एक पोस्ट व्हायरल केली .

या पोस्ट व्हायरल होण्याचे निमित होते राज्याचे माजी उपमुख्यमंत्री अजित पवार यांनी चक्क भुसारा यांच्या नवीन घराच्या वास्तुशांती निमित्ताने भेट दिली .

ही ग्रेट भेट सध्या मतदारसंघात चर्चेचा विषय ठरली आहे कारण अजित पवार ज्या प्रमाणे आपल्या कणखर नेतृत्व आणि कडक स्वभावाने परीचीत आहेत त्याच प्रमाणे आपल्या संवेदनशीलपणाचीही दर्शन त्यांच्या कृतीतून दिसून येते.

आमदार सुनिल भुसारा यांनी लिहिलेल्या पोस्ट मध्ये यांचे दिवंगत वडील चंद्रकांत भुसारा यांनी २०१२ साली एक घर बांधण्याचे स्वप्न बघितले होते.

बांधकाम हाती घेतले मात्र तेंव्हाच त्यांचे निधन झाले त्यानंतर घरताला मोठा मुलगा म्हणून आमदार भुसारांवर सर्व कुटुंबाची जबाबदारी आली .

यामध्ये छोटा भाउ एक बहिण यांची लग्ने त्यानंतर २०१४ विधानसभा निवडणूक त्यानंतर २०१९ विधानसभा निवडणूक राष्ट्रवादीचे जिल्हाध्यक्ष म्हणून येणाऱ्या प्रत्येक निवडणूकीची तयारी यामध्ये वडलांचे स्वप्न पुर्ण करण्यासाठी बरीच धपडप करावी यानंतर अगदि काल परवाच श्रीकृष्णचंद्र निवासाची निर्मिती झाली.

मात्र या घराच्या गृहप्रवेशासाठी अजित पवार येतील का? त्यांना आमंत्रण दिले तर आपला अत्यंत व्यस्त वेळ सोडून ते माझ्या सारख्या एका सर्वसामान्य आदिवासी आमदाराच्या छोट्याश्या कार्यक्रमाला येतील का अशा अनेक शंका भुसारा यांच्या मनामध्ये होत्या मात्र भितभीतच पवारांना या कार्यक्रमा विषयी कळवले आणि त्यांनी एका मिनिटांत होकार देताच भुसारांसाठी जणु आभाळच ठेंगणे झाले.

कारण भले भले दिग्गज मंडळी अजित पवार यांनी त्याच्या कार्यक्रमाला यावे यासाठी प्रयत्नशील असतात मात्र भुसारांच्या साध्या विनंती वरुन पवार आल्याने आमदार भुसारा अतिशय भावनिक झाले त्यानंतर त्यांना समाज माध्यमावर या आशयाची पोस्ट टाकली भुसारा यांच्यावर अजित दादांचा असणारा वरदहस्त सर्वश्रुत आहे मात्र वास्तुशांतीच्या कार्यक्रमाला हजेरी लावून अजित पवारांचे भुसारांवर विशेष प्रेम आहेच यावर शिक्कामोर्तब झाले हे नक्की याभेटी प्रसंगी भुसारा यांच्या घरी पवारांनी मनसोक्त जेवणही केले .

यावेळी ज्या प्रमाणे सुदामाच्या घरी श्रीकृष्ण पोहचले त्या प्रमाणेच माझ्यासारख्या सर्व सामान्याच्या घरी अजित पवार आल्याची भावना भुसारा यांनी व्यक्त केली.